மூணாறில் ஒரு நாள்

"மூணாறில் சில நேரம் காட்டு யானை நம்ம வழி மறிச்சு நிக்கும். ரொம்ப த்ரில்லிங்கா இருக்கும். இப்போ சீசன் டைம். மூணாறுக்கு போகலாம், கிளம்பு" னு என்னவர் சொன்னார். சரி, நானும் எத்தன நாள் தான் யானைய கோயில்லயும் டிவி-லயுமே பாக்கறது? காட்டு யானைய நேர்ல பாக்கற சான்ஸ் கிடைச்சா நல்லது தான்-னு நினைச்சுட்டே உற்சாகமா கிளம்பிட்டேன். எங்களை தலைபொங்கலுக்கு ஊருக்கு கூட்டிட்டு போக திருச்சூர் வந்து இருந்த என் அண்ணாவையும் கிளப்பி மூணாறுக்கு பயணப்பட்டோம்.

நல்ல இருட்டினப்புறம் தான் மூணாறு ரீச் ஆனோம். குளிருக்கு உடம்புல இருக்கற அத்தன பார்ட்ஸ்-ம் உதறுது. நாங்க புக் பண்ணி இருந்த 2-ரூம் காட்டேஜ்க்கு போயி நல்லா  இழுத்து போர்த்திகிட்டு தூங்கிட்டோம். காலைல எழுந்து வெளிய பாத்தா - காட்டுக்கு நடுவுல இருக்கு எங்க காட்டேஜ்! சுத்தி உயரமா விதவிதமான மரங்கள். விதவிதமான பறவைகளோட கீச்-கீச் ரீங்காரம்; கொஞ்சம் கூர்ந்து கவனிச்சா ஏதோ சின்ன பிள்ளைங்க பேசற மழலை மாறியே இருந்தது!

நாங்கள் தங்கியிருந்த காட்டேஜ் 

நாங்க அரேன்ஞ் பண்ணியிருந்த டாக்ஸி வந்ததும், முதல்ல நல்ல ஹோட்டல்-ல பிரேக்-பாஸ்ட் முடிச்சோம். அப்புறம் ஊரு சுத்த ஆரம்பிச்சோம். முதல்ல, ஒரு டீ எஸ்டேட் பக்கத்துல நிறுத்தி ஒரு சின்ன போட்டோ சூட் பண்ணோம். நான் தான் மாடல்; என் அண்ணாவும் என்னவரும் மாறி மாறி போஸ் பண்ண சொல்லி போட்டோவா எடுத்து தள்ளினாங்க.

டீ எஸ்டேட் நடுவில் நான் 

அடுத்த ஸ்டாப்ல நம்மள டீ எஸ்டேட்-ல வேலை பாக்கறவங்க மாறியே தலைல ஸ்கார்ப் கட்டி விட்டு, தேயிலை பறிச்சு போடற கூடைய தலைல மாட்டி விட்டு போட்டோ எடுத்து தராங்க. என்னவருக்கு இதை கேட்டதும் என்னை தேயிலை பறிக்கற கெட்டப்-ல போட்டோ எடுத்துக்கணும் ஆசை. பாசக்கார புருஷன் ஆசைய நிறைவேத்தினேன்.

தேயிலை தோட்டக்காரி

அடுத்து எலிபண்ட் பார்க். ஒரே ஹைட் அண்ட் சைஸ்-ல 6 யானை இருக்கு இங்க. பாக்கவே அவ்ளோ அழகா இருந்தது யானை எல்லாம். யானை அழகை மட்டுமே பாத்தா போதுமா? யானை சவாரி போனோம்.

நானும் என்னவரும் யானை சவாரியில்

யானை சவாரி ஒரு 15 நிமிஷம் தான். யானை நடக்கும் போது நாமளும் குலுங்கி குலுங்கி போறோம். ரொம்ப நல்லா இருந்தது.

அடுத்தது மாட்டுப்பட்டி போட் ஹவுஸ். லைப் ஜாக்கெட் எல்லாம் போட்டுகிட்டு போட் ஏறினோம். மாட்டுப்பட்டி லேக்-கை  சுத்தி பெரிய பெரிய யூகலிப்டஸ் மரங்கள். நேச்சுரல் ப்யூட்டிக்கு நிகர் எதுவும் இல்ல போங்க! நான் இப்படி ரசிச்சுட்டு இருந்தப்போ, அது வரை சீரான வேகத்துல போயிட்டு இருந்த போட்-ஐ ஒரு சுழட்டு சுழட்டி எட்டு போட வெச்சாரே எங்க போட் டிரைவர் - அலறிட்டேன் நான்! இந்த மாறி எட்டு போடறது போட் ஹவுஸ் ஸ்பெஷாலிட்டி-யாம்! "போட்-ல கோடு போட்ட மாறி நேரா போறதுல என்ன இருக்கு? இப்படி எட்டு, பத்து-ன்னு போட்டா தான் த்ரில்" னு அப்புறமா நினைச்சுகிட்டேன். 

போட் டிரைவரை எங்களை போட்டோ எடுக்க சொன்னப்போ அவர் போட்-ஐ 360 டிகிரி மெதுவா சுத்த விட்டு எங்களை க்ளிக்கி தள்ளினார். என்ன ஒரு ஐடியா!

360 டிகிரி போட்-ஐ சுத்த விட்டு எடுத்த ஒரு போட்டோ 

லாஸ்ட்-ஆ பாத்தது குண்டல டாம்.காலாற நடக்க ஏத்த இடம். மணி அஞ்சரை ஆனதுமே குளிரு பின்னி எடுக்குது. நாங்க பலூன் சுட்டு விளையாடிட்டு, சூடா  ஒரு டீ சாப்ட்டு காட்டேஜ்க்கு போய்ட்டோம்.

பலூன் சுட்ட பிறகு 

சில தகவல்கள்

• சாப்பாடு - ஹோட்டல் சரவண பவன்-ல தான் பெஸ்ட் சாப்பாடு (சைவ உணவு மட்டுமே)
• எலிபண்ட் பார்க் - ரூ.250 க்கு நாம யானை சவாரி செய்யறத போட்டோ வீடியோ போட்டு தராங்க. யானை சவாரி-க்கு சார்ஜஸ் தனி. என்ன கேட்டா நாமளே நம்ம கேமரா-ல போட்டோ எடுத்துக்கறது பெஸ்ட்.
• ஷாப்பிங் - தேயிலை, ஹோம்-மேட் சாக்லேட் எல்லாம் மெயின் டவுன்-ல வாங்கலாம். எக்கோ பாயிண்ட்-ல இருக்கற கடைகள்-ல ஹாண்ட்பாக், கீ-செயின், ஹாண்டிகிராப்ட் ஐடெம்ஸ் வாங்கலாம்.
• டீ பாக்டரி - டீ பாக்டரி டூர்-ஐ மிஸ் பண்ணாதீங்க.
• மொபைல் போன் -  BSNL தான் அங்க ஸ்ட்ராங் நெட்வொர்க். மத்த நெட்வொர்க் எல்லாம் மெயின் டவுன்-ல மட்டும் தான் சிக்னல் கிடைக்குது. மெயின் டவுன்ல இருக்கும் போதே போன் கால்ஸ் எல்லாம் பண்ணிடுங்க. முக்கியமா அம்மா அப்பாக்கு சொல்லிடுங்க நீங்க பத்திரமா இருக்கீங்க-ன்னு. (என் அம்மா அப்பா எங்களை காண்டாக்ட் பண்ண முடியாம பயந்துட்டாங்க.) 

கொஞ்சம் விசாரிச்சதில, BRHolidays (brholidays@yahoo.com) கொஞ்சம் டிபரெண்டா சில விஷயங்கள் பண்றாங்க.

• நமக்கு வேணும்னா காட்டேஜ்-ல நமக்கு சமைச்சு போட ஒரு குக் அரேன்ஜ் பண்றாங்க.
• ராத்திரி கேம்ப்-பயர் போட்டு, அதுல நமக்கு விருப்பமான பிராணியை கிரில் பண்ணி தராங்க.
• டாக்ஸி-ல போக போர் அடிச்சா, ஒரு சைக்கிளை வாடகைக்கு எடுத்துட்டு நீங்க போகலாம்.
• தேயிலை பறிக்கற டைம்-ல மூணாறு போனீங்கன்னா, நீங்க தேயிலை பறிக்கறவங்க கூட சேர்ந்து தேயிலை பறிக்கலாம்.